Тошкентда мол гўшти қимматлади; расмийлар буни инкор қилмоқда

Тошкентда мол гўшти қимматлаб кетгани тўғрисида бир-биридан мустақил икки манбадан Озодликка етиб келган хабарни Юнусобод деҳқон бозорида ишлайдиган қассоблардан бири тасдиқлади. Унинг Озодликка айтишича, мол гўшти сўнгги 10 кунда ўртача 2 минг сўмга қимматлаган. Юнусобод деҳқон бозори маъмурияти ва “Тошбозорсавдо” ассоциацияси мулозимлари мол гўшти қимматлаганига оид бу маълумотларни кескин рад этди.