Елордада 3000-нан астам адам экскурсиялық автобуспен жүрген

АСТАНА. ҚазАқпарат - Елорда тұрғындары мен қонақтары қаланы екі қабатты автобуспен аралап, көрікті жерлерді тамашалайды. Экскурсиялық автобустар 27 маусымда жүре бастады. Осы күнге дейін онымен үш мыңнан астам адам жүрген. Сол жағалаудағы басты көрікті орындардың қалыптасу тарихымен аудиогид жүйесі арқылы танысуға болады. Бұл туралы елорда әкімінің ресми сайты хабарлады.