Bombalardan qochgan Jabhat an-Nusra Al-Qoydadan ajralganini e’lon qildi

Suriyadagi "Jabhat an-Nusra" guruhi "Al-Qoyda" terror tarmog‘idan ajralgani, nomidan voz kechib, yangi "Jabhat Fath al-Shom" nomi ostida harakatlanishini bildirdi. "Al-Qoyda" qanotlari ostida tug‘ilgan guruh endi Suriyada prezident Asad rejimiga qarshi kurashayotgan muxolif kuchlarni birlashtirishini da’vo qilmoqda. Terrorchi guruh ayni harakati bilan aslida Rossiya hamda AQSh bombalaridan qochishni ko‘zlayotgani aytilmoqda.