Տաջիկստանի արտգործնախարարը կայցելի Հայաստան
![Տաջիկստանի արտգործնախարարը կայցելի Հայաստան](http://arka.am/upload/resize_cache/iblock/a40/220_165_2/a408dfa20e1866df4ec90bfa5005e7c3.jpg)
Հուլիսի 2-3-ը ՀՀ ԱԳ նախարար Էդվարդ Նալբանդյանի հրավերով Հայաստան պաշտոնական այց կկատարի Տաջիկստանի արտաքին գործերի նախարար Սիրոջիդին Ասլովը։
ԵՐԵՎԱՆ, 30 հունիսի. /ԱՌԿԱ/. Հուլիսի 2-3-ը ՀՀ ԱԳ նախարար Էդվարդ Նալբանդյանի հրավերով Հայաստան պաշտոնական այց կկատարի Տաջիկստանի արտաքին գործերի նախարար Սիրոջիդին Ասլովը, հաղորդում է ՀՀ ԱԳՆ–ի մամուլի ծառայությունը։
Տաջիկստանի արտաքին քաղաքական գերատեսչության ղեկավարին կընդունի ՀՀ նախագահը։
«Հուլիսի 2-ին կկայանան Էդվարդ Նալբանդյանի և Սիրոջիդին Ասլովի բանակցությունները, այնուհետև նախարարները հանդես կգան մամուլի համար հայտարարություններով», – նշվում է հաղորդագրության մեջ։ –0–