Կայացել է ՀՀ-ԵՄ բանակցությունների հերթական փուլը
Ըստ ՀՀ ԱԳՆ մամուլի ծառայության, քննարկվել են համաձայնագրի նախագծի քաղաքական երկխոսության, բարեփոխումների, արդարադատություն եւ ազատությունների բաժինների դրույթները։
Բանակցությունների վերջում տեղի է ունեցել լիագումար նիստ, որի ընթացքում կողմերն ամփոփել են քաղաքական, ոլորտային համագործակցության, առեւտրի ու ներդրումների բաժինների շուրջ բանակցությունների արդյունքները եւ նախանշել հաջորդ փուլի քննարկումների շրջանակը։
Բանակցությունների հաջորդ փուլը տեղի կունենա Երեւանում այս տարվա աշնանը։