Toshkentda daraxt qulashi oqibatida bir ayol o‘ldi, yana bir ayol og‘ir yaralandi

18 iyun soat 18:30da Toshkent shahri Yakkasaroy tumanida bir daraxtning qulashi oqibatida bir keksa ayol o‘ldi va yana bir keksa ayol og‘ir ahvolda shifoxonaga yotqizildi. Bu haqda Ozodlikka hodisaga bevosita guvoh bo‘lgan mustaqil jurnalist Bobomurod Abdulla so‘zlab berdi. Uning aytishicha, tez yordam mashinasi hodisadan 20 daqiqa o‘tib yetib kelgan.