«ՅՈՒՆԻԲԱՆԿ»-ի լրացուցիչ թողարկված հասարակ անվանական բաժնետոմսերի տեղաբաշխման գործընթացն է ավարտվել ՆԱՍԴԱՔ ՕԷՄԷՔՍ Արմենիայում

ԵՐԵՎԱՆ, 21 ապրիլի. /ԱՌԿԱ/. «ՅՈՒՆԻԲԱՆԿ» ԲԲԸ լրացուցիչ թողարկված հասարակ անվանական բաժնետոմսերի (UNIB)` նախօրեին մեկնարկած տեղաբաշխման գործընթացն է ավարտվել հինգշաբթի ՆԱՍԴԱՔ ՕԷՄԷՔՍ Արմենիայում, հայտնում է բորսայի մամուլի ծառայությունը։  

Բաժնետոմսերի գինը տեղաբաշխման ընթացքում կազմել է 230 ՀՀ դրամ: Տեղաբաշխման ներկայացված 22,704,347 հատ հասարակ անվանական բաժնետոմսերն ամբողջությամբ տեղաբաշխվել են, որոնց դիմաց Բանկը ներգրավել է 5,221,999,810 ՀՀ դրամ:

Հիշեցնենք, որ «ՅՈՒՆԻԲԱՆԿ» ԲԲԸ-ն 2015թ.-ի դեկտեմբերի 18-24–ը ևս նախնական հրապարակային առաջարկի (IPO) միջոցով իրականացրել էր բաժնետոմսերի լրացուցիչ թողարկման հրապարակային տեղաբաշխում ՆԱՍԴԱՔ ՕԷՄԷՔՍ Արմենիայի տեղաբաշխման հարթակում, որի ընթացքում տեղաբաշխվել էր 10,672,471 հատ հասարակ անվանական բաժնետոմս՝ 2,454,668,330 ՀՀ դրամ ընդհանուր ծավալով:

Բաժնետոմսերի գինը տեղաբաշխման ընթացքում կազմել էր 230 ՀՀ դրամ:

Յունիբանկը հիմնադրվել է 2001 թվականի հոկտեմբերին։ 2002 թվականին ներդրել է «Յունիսթրիմ» համակարգը։ Բանկի միակ բաժնետերը «Գլովերի Հոլդինգ Էլ Թի Դի»–ն է։ 2015 թվականից բանկը վերակազմավորվել է բաց բաժնետիրական ընկերության։-0-