Сенатор Б. Бекназаров мас күйінде көлік жүргізгендерді халық алдында дүре соғып, жазалауды ұсынды

АСТАНА. ҚазАқпарат - Жүргізуші құқығынан айырылған, соған қарамастан мас күйінде қайтадан көлік басқарған азаматқа қатысты қылмыстық жауапкершілікті мейлінше қатайту керек. Мұндай тұлғаларға қатысты негізгі жазалармен қатар, қосымша жазалар қабылдау қажет, мәселен, оларды халықтың алдына шығарып дүре соғу арқылы жазалау керек. Бүгін Парламент Сенатының жалпы отырысында депутат Бектас Бекназаров жолдағы апаттылық мәселесіне алаңдаушылық білдіре отырып, осылай мәлім етті.