Ուսումնասիրվում են Ղարաբաղի համար հավաքվող օգնության չարաշահումների մասին հրապարակումները
Գլխավոր դատախազությունը իսկությունը ստուգելու նպատակով ՀՀ ոստիկանության ԿՀԴՊ գլխավոր վարչություն է ուղարկել ԱԺ պատգամավոր Լևոն Դոխոլյանի ֆեյսբուքյան գրառման վերաբերյալ մամուլի հրապարակումները:
Պատգամավորը, մասնավորապես, գրել է․ - «Հարգելի ընկերներ Այն մարդիկ, որոնք մեծ քանակությամբ օգնություն են ուղարկում մեր սահմանապահներին, ցանկալի կլինի որ Ձեր մեքենաներով տեղափոխեք և հանձնեք մեր զինվորներին։ Այլապես` 1.Միջնորդ օղակները հավաքում են ֆիզիկական կամ իրավաբանական անձանցից տարաբնույթ օգնությունները, ամբողջը ուղարկում են իրենց կողմից և համապատասխան գումար դուրս գրում իրենց բյուջեից։ 2. Օգնությունները վաճառվում են Հայաստանի կամ Արցախի խանութներում։ Պետք է հաշվի առնել, որ նմանատիպ իրավիճակներում ոմանք մեծ գումարներ են աշխատում»: