Զոհվածների ընտանիքներին կայուն եկամուտ ապահովելու մեխանիզմ կմշակվի
0
ՀՀ վարչապետ Հովիկ Աբրահամյանը կառավարության այսօրվա նիստում հանձնարարել է էկոնոմիկայի նախարար Արծվիկ Մինասյանին զբաղվել զոհված զինծառայողների ընտանիքների համար զբաղվածություն ապահովելու եւ կայուն եկամուտի աղբյուր ստեղծելու հարցով:
«Հանձնարարում եմ մշակել եւ ՀՀ կառավարությանը ներկայացնել համապարփակ առաջարկություն՝ նշելով նաեւ ֆինանսավորման աղբյուրները»,- ասել է Հովիկ Աբրահամյանը:
Նա ընդգծել է, որ առաջարկությունները պետք է ներկայացվեն հնարավորինս սեղմ ժամկետներում: