Маҳтума Жўраева: МХХ ходимлари ўғлимни бошига қоп кийгизиб ўғирлашди...

Жиззахда армани фермер Арамаис Авакян билан бирга "Исломий Давлат" жангари гуруҳига алоқадорликда айбланиб, 12 йилга қамалган Фурқат Жўраевнинг онаси Маҳтума Жўраева Озодлик билан суҳбатда ўғлини маҳсус хизмат ходимлари бошига қоп кийдириб ўғирлаб кетишгани ва ИШИДга аъзолигини бўйнига қўйиш учун тергов изоляторида қийноқларга солишганини айтди. Жўраевага кўра, 4 сентябрь куни ўғирланган ўғлини қаердалигини улар 40 кун давомида билишмаган, МХХ Фурқат Жўраев ҳибсга олингани ҳақда оиласига маълум қилмаган.