Арадай Хуралай депутат Баир Гармаев: Түлбэригүй газарнууд тухай хуулида заһалтануудай оруулагдаһанһаа мянга түмэн хүнэй һанаан амарха
«Гүрэнэй гү, али муницпальна мэдэлэй газарнуудые түлбэригүйгөөр үмсэдэ үгэхэ тухай» хуулида заһалтануудай оруулагдаһые Арадай Хуралай депутат, Газарай асуудалнуудай, аграрна политикын ба эдлэгшэдэй дэлгүүрэй талаар хорооной түрүүлэгшэ Баир Гармаев тайлбарилба. Депутадай тэмдэглэһээр, «өөрын дураар эзэмдэгдэгдэһэн» газарнуудые ёһо соонь оруулха хэрэг ябажа захалаа. Үнинэй хүлеэгдэһэн данса саарһануудаа республикын мянга түмэн ажаһуугша одоошье абаха аргатай болобо. Энэ һанамжаяа тэрэ Ниитын палатын дүхэриг шэрээ дээрэ соностоһон «газар тухай хуулинууд үшөөл дутуу дундатай, абтаһан хэмжээнүүд хүсэд бэшэ» гэхэ мэтэ шүүмжэлгэнүүдтэ харюу болгон дуулгаа һэн.