«Նոր Հայաստան» շարժման անդամ Գևորգ Սաֆարյանը ձերբակալվել է
Ամանորի գիշերը Ազատության հրապարակում ընդդիմադիր «Նոր Հայաստան»-ի անդամների և ոստիկանների միջև տեղի ունեցած բախումներից հետո «Նոր Հայաստան» շարժման անդամ Գևորգ Սաֆարյանին և 4 ակտիվիստների բերման են ենթարկել ոստիկանություն։ Նրանց բերման են ենթարկել իշխանության ներկայացուցչի նկատմամբ բռնություն գործադրելու կասկածանքով։
Սաֆարյանին ձերբակալել են, մնացածն ազատ են արձակվել։
«Նոր Հայաստան»-ի անդամ Վարուժան Ավետիսյանը «Ազատության» հետ զրույցում պատմեց, որ հրապարակում Նոր տարին նշող ակտիվիստների և ոստիկանների միջև տեղի ունեցած միջադեպի պատճառը տոնածառն է։ Ազատության հրապարակում դեկտեմբերի 1-ից շուրջօրյա հանրահավաքներ անցկացնող ընդդիմադիր շարժումը Նոր տարին որոշել էր հրապարակում նշել՝ ձմեռ պապիկով և տոնածառով, բայց քանի որ Երևանի քաղաքապետարանն ի գիտություն չէր ընդունել տոնածառի տեղադրման իրենց առաջարկը, ոստիկանները արգելել են այն տեղադրել։
Վարուժան Ավետիսյանը վերհիշում է ժամեր առաջ տեղի ունեցածը՝ ընդգծելով՝ ոստիկանները անօրինական ձևով խոչընդոտել են իրենց խաղաղ հավաքը՝ տոնածառը խլել են, գետնին գցել, հայհոյել իրենց, մի քանիսին էլ՝ հրմշտել։
Մանրամասները՝ քիչ անց։
Սաֆարյանին ձերբակալել են, մնացածն ազատ են արձակվել։
«Նոր Հայաստան»-ի անդամ Վարուժան Ավետիսյանը «Ազատության» հետ զրույցում պատմեց, որ հրապարակում Նոր տարին նշող ակտիվիստների և ոստիկանների միջև տեղի ունեցած միջադեպի պատճառը տոնածառն է։ Ազատության հրապարակում դեկտեմբերի 1-ից շուրջօրյա հանրահավաքներ անցկացնող ընդդիմադիր շարժումը Նոր տարին որոշել էր հրապարակում նշել՝ ձմեռ պապիկով և տոնածառով, բայց քանի որ Երևանի քաղաքապետարանն ի գիտություն չէր ընդունել տոնածառի տեղադրման իրենց առաջարկը, ոստիկանները արգելել են այն տեղադրել։
Վարուժան Ավետիսյանը վերհիշում է ժամեր առաջ տեղի ունեցածը՝ ընդգծելով՝ ոստիկանները անօրինական ձևով խոչընդոտել են իրենց խաղաղ հավաքը՝ տոնածառը խլել են, գետնին գցել, հայհոյել իրենց, մի քանիսին էլ՝ հրմշտել։
Մանրամասները՝ քիչ անց։