Дін саласындағы жұмыстар қорытындыланып, үздік насихатшылар марапатталды - БҚО (ФОТО)

ОРАЛ. ҚазАқпарат - Батыс Қазақстан облысында жыл басынан бері діни экстремизм мен терроризмнің алдын алу және діни сауаттылықты арттыру бағытында ақпараттық-түсіндіру топтары арқылы түрлі форматта 103 223 адамды қамтыған 1308 шара (22 кеңес, 12 конференция, 630 кездесу, 253 дәріс, 71 семинар, 130 дөңгелек үстел отырысы, 5 форум, 24 акция, 37 әңгімелесу, 124 өзге шаралар) өткізілді. Бұл туралы БҚО әкімдігі жанындағы діни бірлестіктермен байланыс жөніндегі кеңестің қорытынды жиынында облыстық дін істері басқармасының басшысы Талғат Нығметов мәлім етті.