Ни өчен балага күкрәк сөте имезгәндә ябыгу җиңелрәк?

Күкрәк сөте имезү бала өчен генә түгел, ә әни кеше өчен дә файдалы. Хатын-кызларга күкрәк сөте имезгәндә ябыгу җиңелрәкме, әллә балага «смесь» ашаткандамы? Бу хакта «Челнинские известия» басмасына табиб-маммолог Айгөл Хаҗиева сөйләгән.

«Балага күкрәк сөте имезгәндә ябыгу җиңелрәк, чөнки күкрәк сөте эшләп чыгаруга әни кеше 700 килокалорий тота. Чагыштыру өчен, 700 ккалны без йөгерә торган тренажерда 3 сәгать актив атлаганда югалтабыз. Дөрес туклансагыз, бу очракта үзегезне туклануда катгый чикләүләр мәҗбүри түгел, бары тик кулланылган килокалорийларны: аксым, майлар һәм углеводларны санарга кирәк. Болай иткәндә, тизрәк ябыгачаксыз», – дип аңлаткан табиб.