"Yuventus"dan ayrılıb, Juninyoya qoşulub

"Yuventus"dan ayrılan Danilonun yeni komandası bəlli olub. İdman.biz xəbər verir ki, braziliyalı müdafiəçi "Flamenqo"ya keçib. Turin klubu ilə 33 yaşlı futbolçu müqaviləyə qarşılıqlı şəkildə xitam veriblər. Danilo "Flamenqo" ilə 2 illik müqavilə imzalayıb. Qeyd edək ki, "Qarabağ"ın forvardı Juninyo Olavio 1 həftə əvvəl "Flamenqo"ya keçib.