Ульяновскидан татар кызы «Умницы и умники» интеллектуаль олимпиада финалына чыкты

Ульяновскиның №100 губерния лицеенда укучы Камилла Абулханова «Умницы и умники» бөтенроссия телевизион интеллектуаль олимпиаданың финалына чыкты, дип хәбәр итә өлкәнең мәгариф идарәсе.

«Горурлыгыбыз һәм шатлыгыбыз чиксез», дип яза 11 сыйныф укучысы Камилла турында өлкәнең «Өмет» гәзите.

Камилла беренче сорауга төгәл җавап бирә алмый, «Ва-банкка бару» хокукын сайлап ала һәм, өстәмә сорауга дөрес җавап биреп, бәйгедә кала.

Олимпиаданың җиңүчесе МГИМО студенты булу хокукын ала.