Әлшәй районында канализация коесына егылып төшкән ир-ат һәлак булган

Башкортстанның Әлшәй районында Раевка авылында слесарь булып эшләүче ир-ат һәлак булган. Бу турыда «Башинформ» хәбәр итте.

Башкортстанның Дәүләт хезмәт инспекциясе хәбәр иткәнчә, фаҗига 20 декабрьдә була. Слесарь ир-ат канализация коесына егылып төшә.

Мәрхүмгә 37 яшь булуы билгеле. Ул биредә аварияне төзәтергә маташкан.

Тикшерү эшләре бара, диелә хәбәрдә.