Instagram-ը ներկայացրել է AI գործիքներ
0
Instagram-ը ներկայացրել է AI գործիքներ, որոնք թույլ կտան փոխել հագուստը կամ ֆոնը տեսանյութերում:
Instagram-ի ղեկավար Ադամ Մոսերին ասել է, որ ծրագրվում է 2025 թվականին օգտատերերի համար ավելացնել AI գործիքներ, որոնք թույլ կտան փոխել հագուստն ու ֆոնը, ինչպես նաեւ տեսանյութեր ավելացնել։
Գործիքները հիմնված են Movie Gen մոդելի վրա, որը Meta-ն ներկայացրել է 2024 թվականի հոկտեմբերին։ AI-ն, ի թիվս այլ բաների, կարող է ստեղծել «անհատականացված» տեսանյութեր՝ հիմնվելով անձի լուսանկարի եւ տեքստային հարցման վրա:
Գրառման մեջ Մոսերին ցուցադրել է, թե ինչպես են աշխատում գործիքները։ Ելույթի ժամանակ փոխվել է նրա հագուստն ու ֆոնը, վզի շուրջ հայտնվել է շղթա, իսկ կողքին՝ գետաձի, իսկ կադրերից մեկում Մոսերին սկսել է նմանվել տիկնիկի։