Վրաստանը դադարեցնում է ԵՄ-ին անդամակցելու բանակցությունները

«Մենք որոշում ենք կայացրել Եվրամիության հետ բանակցություններ սկսելու հարցը օրակարգում չներառել մինչեւ 2028 թվականի վերջը։ Նաեւ մինչեւ 2028 թվականի վերջ մենք հրաժարվում ենք ԵՄ բյուջետային դրամաշնորհներից»,- ասել է Վրաստանի վարչապետը։

Կոբախիձեն ասել է, որ «այս փուլում ԵՄ-ին անդամակցելու շուրջ բանակցությունների մեկնարկն օգտագործվում է որպես երկիրը շանտաժի ենթարկելու գործիք, ինչն անընդունելի է»։