COP29 համաժողովում Ռուսաստանը կներկայացնի Միխայիլ Միշուստինը
Այդ մասին հայտնել է Ռուսաստանի նախագահ Վլադիմիր Պուտինը՝ պատասխանելով «Վալդայ» ֆորումի լիագումար նիստը վարողի հարցին, թե արդյո՞ք COP29-ին մասնակցելու հրավեր ստացել է Ադրբեջանի նախագահ Իլհամ Ալիեւից։
«Ես այնտեղ [Բաքվում] ոչ վաղ անցյալում էի, եւ մենք պայմանավորվեցինք նախագահ Ալիեւի հետ, որ Ռուսաստանը ներկայացված կլինի բարձր մակարդակով: Այդ միջոցառմանը կմասնակցի Ռուսաստանի Դաշնության կառավարության ղեկավար Միխայիլ Միշուստինը»,- ասել է Պուտինը։