Փաշինյանը Բուդապեշտում շփվել է Էրդողանի հետ
ՀՀ կառավարության տարածած լուսանկարներից հայտնի է դարձել, որ Նիկոլ Փաշինյանը Բուդապեշտում շփվել է Թուրքիայի նախագահ Ռեջեփ Թայիփ Էրդողանի հետ:
Կառավարությունից հայտնում են, որ գագաթնաժողովի շրջանակում նախատեսված են Նիկոլ Փաշինյանի հանդիպումները տարբեր երկրների գործընկերների հետ:
Նա մի շարք երկրների առաջնորդների հետ մասնակցել է նաեւ «Տնտեսական անվտանգություն» խորագրով կլոր-սեղան քննարկմանը, որն անցկացվել է փակ ձեւաչափով:
Նախորդ անգամ Նիկոլ Փաշինյանն ու Ռեջեփ Թայիփ Էրդողանը հանդիպել էին ս.թ. սեպտեմբերին Նյու Յորքում ՄԱԿ-ի Գլխավոր ասամբլեայի 79-րդ նստաշրջանի շրջանակում: