Ренат Галиәскәр сөйгәненә тәкъдим ясарга җыенгач, Илсөя Бәдретдинова куркып калган

Алып баручы, шагыйрь Ренат Галиәскәр сөйгән яры – Айгөл исемле кызга тәкъдим ясады. Әлеге куанычлы вакыйга җырчының якын дусты Илсөя Бәдретдинова концертында булды.

• «Яшь аермасы бераз бар, әйе. Тик Ринат Рахматуллин белән хатыныныкы хәтле үк түгел»

Ренат Галиәскәр сәхнәгә кызыл розалардан торган бик зур букет тотып чыккач, Илсөя Бәдретдинова куркып, шикләнеп калган. Бу турыда алар бергә җыелышып, концерттан соң сөйләшкән. Кызык әңгәмәне Илсөя Бәдретденова төркеме директоры Гүзәл Карамиева социаль челтәрдә күрсәтте.

«Бөтен кеше «Илсөягә тәкъдим ясый» дип утыралар... Башта бөтен зал күтәрелде, Илсөягә тәкъдим ясый, дип уйладылар», – дип аңлата бу хәлне Гүзәл Карамиева.

Ренат Галиәскәров сәхнәгә чыгып тәкъдим ясар алдыннан, учакка утынны Илназ Гарипов та өстәп куйган булган икән.

Илназ Гарипов Илсөя Бәдретдиновага: «Сез аны беләсез бит инде, Ренат иске әйберләр җыярга (Галиәскәров авылда иске җиһазлар коллекциясе булдырган. – ред.) ярата», – дигән. Шул вакытта Илсөя Ренатка: «Мине генә бутый күрмә монда», – дип кисәтеп куйган.

Бу әңгәмәдә Илсөя Бәдретдинова үзен «раритет» дип атап, яшь кәләшкә сабырлык теләде.

• Ренат Галиәскәр белән Илсөя Бәдретдиновага: «Өйләнешегез дә куегыз инде»