Җиде кеше утырган «Лада» әйләнеп каплангач, 22 яшьлек кыз һәлак булган

Башкортстанда 22 яшьлек кыз коточкыч авариядә һәлак булган. Бу турыда Дәүләт автоинспекциясенә сылтама белән «Башинформ» хәбәр итте.

Ведомство белешмәсе буенча, фаҗига М-5 «Урал» юлының 1413нче километрында була. «Лада Ларгус» белән 24 яшьлек егет идарә итә. Машина парапетка бәрелә һәм әйләнеп каплана.

Машина салонында 7 кеше була. Пассажирларның берсе – 22 яшьлек кыз – урында ук үлә. Йөртүче һәм башка пассажирларга зыян килми, алар иминлек каешын эләктергән.

Тикшерү эшләре бара, диелә хәбәрдә.