Төнге янгында абыйлы-энеле ике егет һәм яшь кызлар һәлак булган

Свердловск өлкәсенең Артемовск шәһәрендә янгында 4 кеше һәлак булган. Бу турыда Свердловск өлкәсе прокуратурасына сылтама белән «Комсомольская правда» яза.

Фаҗига Шмидт урамындагы шәхси йортта була. Гадәттән тыш хәлләр министрлыгы белешмәсе буенча, янгын 7 октябрьдә иртәнге дүртенчеләр тирәсендә чыга. Ут 173 квадрат метр мәйданга тарала.

Якынча версия буенча, янгын мунча миче морҗасыннан чыга һәм торак йортка тарала.

Янгында 22 яшьлек Даниил И., аның 16 яшьлек энесе һәлак була. Энесе Даниилда кунарга ата-анасыннан сорап килгән. Өй Даниилның әбисенеке, егет биредә сөйгән кызы белән бергә яши.

Янгын хәрабәләре арасыннан 18 яшьлек Анна З. һәм тагын 1 кыз мәете табыла. Аның шәхесен ачыклый алмаганнар әле.

Коткаручылар янгынны 7 сәгать чамасы сүндергән.

Якыннары сүзләренчә, Анна супермаркетта эшли, Демидов һөнәри көллиятенең биредәге филиалында эшли.

«Анна башлангыч сыйныф укытучысы булырга хыялланды. Әле кичә генә аны кибеттә күрдем. Ышанып та булмый», – ди туганнары.

Тикшерү бара, диелә хәбәрдә.