17 сентябрьгә һава торышы һәм ай календаре

17 сентябрьдә Татарстанда аз болытлы, явым-төшемнәрсез һава торышы була. Җил көнчыгыштан секундына 3-8 метр тизлектә исә. Төнлә һава температурасы +4..+9˚, көнбатыш районнарда +12˚, көндез +20..+25˚ градус.

Үсүче ай, ай Балык йолдызлыгында.

Агачларны һәм куакларны кисү тыела. Сарымсак утыртырга мөмкин. Корткычларны юк итү өчен агачларның төпләрен казып чыгарга була. Шулай ук кәүсәләрен агартырга киңәш ителә. Кимерүчеләрдән саклау чараларын да күрергә вакыт җитте.