Кышка кызыл фасоль белән яшелчәләр салаты рецепты

«Лобио» салаты кышка әзерләп куела. Ул кызыл фасольдән һәм яшелчәләрдән тора.

Ингредиентлар: 3 стакан фасоль, 1 кг татлы борыч, 1 кг кишер, 2 кг помидор, 1 стакан үсемлек мае, 2,5 аш кашыгы тоз, 300 грамм шикәр комы, 70 мл 9 процентлы аш серкәсе.

Фасольне тозлы суда әзер булганчы пешерергә.

Борычны чистартып саламлап турарга, кишерне эре угычтан уарга, помидорны иттырткычтан чыгарырга.

Барлык яшелчәләрне бергә кушарга, фасольне дә салып, сүрән утта 30 минут пешерергә. Әзер булырга 10 минут кала аш серкәсе салырга.

Стерильләштерелгән банкаларга тутырып, тимер капкач белән ябарга һәм салкын урында сакларга.

Фото: © Гөлүзә Василова