Նախարար. Սահմանադրական հանրաքվեն նախատեսվում է անցկացնել 2027թ․–ին

p bԵՐԵՎԱՆ, 29 օգոստոսի․/ԱՌԿԱ/․/b Սահմանադրական հանրաքվեն նախատեսվում է անցկացնել 2027թ․–ին, հինգշաբթի ճեպազրույցի ժամանակ հայտարարեց արդարադատության նախարար Գրիգոր Մինասյանը։/pp Նրա խոսքով, ժամկետները նախնական որոշվել են սահմանադրական բարեփոխումների հանձնաժողովի աշխատանքային քննարկումների ընթացքում։/pp «Փաստաթղթի վրա աշխատելու ենք մանրամասնորեն,nbsp;ոչ թե հրատապ կարգով։ Կազմակերպվելու են հանրային քննարկումներ», – ասաց Մինասյանը լրագրողներին։/pp «Քննարկել ենք բավականին մանրամասն՝ սահմանադրական փոփոխություններ, թե նոր Սահմանադրություն տերմինաբանությունը։ Կարծես ունենք համաձայնություն, որ մեզ պետք է նոր Սահմանադրություն», – ասաց նախարարը։/pp Հունվարի 19-ին Հայաստանի վարչապետ Նիկոլ Փաշինյանը հայտարարեց, որ Հայաստանին անհրաժեշտ է նոր Սահմանադրություն, որը երկիրը կդարձնի ավելի մրցունակ և կենսունակ աշխարհաքաղաքական նոր պայմաններում։/pp Հունվարի 23-ին ՀՀ ԱԳ նախարար Արարատ Միրզոյանը չափազանցություն որակեց այն տեսակետը, թե հայ-ադրբեջանական կարգավորման գործընթացն է Սահմանադրության փոփոխության պատճառը։ Հունվարի 24-ին նա հաստատեց, որ Ադրբեջանը խնդիրներ է տեսնում Հայաստանի անկախության հռչակագրում։/pp Իսկ փետրվարի 1-ին Ադրբեջանի նախագահ Իլհամ Ալիևը հայտարարեց, որ երկու երկրների միջև խաղաղություն կարող է ձեռք բերվել, եթե Հայաստանը վերջ դնի Ադրբեջանի նկատմամբ տարածքային պահանջներին և փոփոխություններ կատարի Սահմանադրության մեջ և այլ նորմատիվաիրավական փաստաթղթերում։ Նրա խոսքով, Հայաստանի Անկախության հռչակագիրն ուղղակի կոչեր է պարունակում Ղարաբաղը Հայաստանին միավորելու և Ադրբեջանի տարածքային ամբողջականության խախտման վերաբերյալ, և այդ փաստաթղթին հղումներն արտացոլված են նաև Հայաստանի Սահմանադրության մեջ։/p