Yangihayotdagi omborxonada yong‘in sodir bo‘ldi. Uni o‘chirishga 19 ta yong‘in o‘chirish va boshqa maxsus texnika jalb etildi

Toshkent shahridagi sexlarning biriga tegishli omborxonada yong‘in sodir bo‘ldi. O‘t o‘chiruvchilar voqea joyiga 09:48 da yetib borgan, 11:28 da yong‘in to‘liq o‘chirilgan. Hodisa oqibatida jarohatlangan va halok bo‘lganlar yo‘q. Yong‘in bartaraf etishga 19 ta yong‘in o‘chirish va boshqa maxsus texnika jalb etildi.