Илсөя Бәдретдинова үз Рәисен күрсәтте

Җырчы Илсөя Бәдретдинова чираттагы мәҗлестә чыгыш ясарга барган видеоны куйган. Артта сумкалар күтәргән яңа егет тә бар.

«Бездә яңалык! Таныш булыгыз! Машина йөртүче, ярдәмче Рәис. Хәзер безнең үз Рәисебез бар», – дип белдерә видеога төшерүче концерт директоры Гүзәл Карамиева.

Рәис калганнарга кушылып елмая гына. Хәзер ул «ИБ вакыйгалары» төшергән һәм җырчының йөртүчесе Диаз урынында эшли.

«Әйе, Диаз төркемнән китте. Гастроль – бик кызык, ләкин бик авыр хезмәт. Ул өйгә кайтып куна торган эшкә китте», – дип хәбәр иткән иде Илсөя Бәдретдинова.

«Хәзер «Диаз вакыйгалары»н караячаксыз. Мин үземнең тормышны күрсәтәчәкмен», – дип видео төшергән иде Диаз да, йөк машинасында төзелешкә барганда.