23 августка һава торышы һәм ай календаре

23 августта Татарстанда аз болытлы, явым-төшемнәрсез һава торышы була. Төнлә һәм иртән урыны белән томан төшәчәк. Уртача тизлектә җил. Төнлә һава температурасы +7..+12˚, көндез +21..+26˚ градус.

Кимүче ай, ай Кучкар йолдызлыгында.

Кура җиләге, карлыган, крыжовник куакларына форма бирү, яшәртү өчен, җимеш агачларының төпләренә пычкы чүбе белән бутап, янган тирес салу өчен уңай вакыт. Чәчәк атып бетергән күпьеллык чәчәкләрнең ботакларын кисәргә була.