Фирдүс Тямаев Ришат Фазлыйәхмәтовны биергә өйрәткән

Бии белми торган җырчы Ришат Фазлыйәхмәтовны биергә өйрәткәннәр. Остазы - табан астыннан ут чыгарып бии торган Фирдүс Тямаев.

Ришат Фазлыйәхмәтов үзенең туган авылында бик зур җәйге концерт уздырган иде. Анда җырчының күп кенә сәхнәдәш дуслары да чыгыш ясады. Әлеге чараның иң кульминацион ноктасы булып Фирдүс белән Ришатның «Тала, тала» көенә биюе булган. Энергиясе ташып торган Фирдүскә ничек кушылып киткәнен Ришат үзе дә сизми кала.

«Фирдүс Тямаевның теләге чынга ашты. Минем биергә өйрәтте», - дип куйган үзенең сәхифәсенә бу видеоны Ришат.

Артистлар һәм тамашачыларның бәхетенә, бу көнне һава торышы да искиткеч булган. Ришат Фазлыйәхмәтов туган авылы халкына чын бәйрәм ясаган. Шуны да билгеләп үтәргә кирәк, әлеге чараны җырчы махсус операциядәге егетләргә ярдәм йөзеннән, хәйрия концерты буларак оештырды.