ЭКО ясату гөнаһмы?

ЭКО ясату гөнаһмы? Бу сорауга җавапны Казанның «Гаилә» мәчете имам-хатыйбы, «Мөхәммәдия» мәдрәсәсе җитәкчесенең беренче урынбасары Рөстәм хәзрәт Хәйруллин бирә.

«Җәмәгать, без ЭКОның нәрсә икәнен аңларга тиеш. ЭКО – ул ясалма аталандыру. Хатын һәм ир бала таба алмаса, алар медицина чараларына мөрәҗәгать итә – бу вакытта күкәй күзәнәкне ясалма аталандыру була», – ди хәзрәт.

Ул бу очракта үтәлергә тиешле шартны әйтә. «Кулланыла торган биоматериал бер-берсенә ир белән хатын булырга тиеш. Ягъни башка ир-ат биоматериалы яки башка хатын-кыз күкәй күзәнәге кулланылса, бу очракта – ярамый», – дип аңлата хәзрәт.

«Аларның никахы булса, Аллаһы Тәгалә табигый ысул белән балалар бирмәсә, бу очракта, икесенең дә материалы кулланылса – әйе, ЭКО ясатырга була», – ди ул.

ВКонтакте һәм Телеграмга нигез салган Павел Дуров үзенең йөздән артык баласы булуын әйтте. Миллиардер 15 ел элек сперма донорына әйләнә. Аның әйтүенчә, донор булырга аның дусты сораган, шуннан соң ул башкаларга да донор була. Нәтиҗәдә, 12 илдән йөздән артык хатын-кыз, аның биологик материалын файдаланып, бала таба. Хәзер Дуров үзенең ДНК кодын игълан итәргә уйлавын әйтте – шул рәвешчә, балалалары бер-берсен таба алачак, ди ул.