Նուբար Աֆեյանի Flagship Pioneering-ը $3,6 մլրդ ներդրում է ներգրավել

Flagship Pioneering-ն ընդլայնել է իր կապիտալի բազան 3,6 մլրդ դոլարով՝ աջակցելու մարդկանց առողջության, կայունության եւ արհեստական բանականության ոլորտում 25 ընկերության զարգացմանը:

Սա 2021 թվականից ի վեր ներգրավված ընդհանուր կապիտալը հասցնում է 6,4 միլիարդ դոլարի:

«Մեր ուշադրության կենտրոնում է օրիգինալ գիտությունը՝ ստեղծելու փոխակերպող տեխնոլոգիաներ, որոնք բարելավում են մարդու առողջությունը եւ մեր մոլորակը», - ասել է Flagship Pioneering-ի հիմնադիր եւ գործադիր տնօրեն Նուբար Աֆեյանը:

Flagship-ն ընդլայնվել է ամբողջ աշխարհում՝ Լոնդոնի եւ Սինգապուրի կենտրոններով՝ Pfizer-ի եւ Samsung-ի նման արդյունաբերական հսկաների հետ համագործակցության միջոցով:

Flagship-ի պորտֆոլիոն ներառում է նորարարական ընկերություններ, ինչպիսիք են Moderna-ն, Generate Biomedicines-ը, Indigo Agriculture-ը, Foghorn Therapeutics-ը եւ Tessera Therapeutics-ը: