Մեդվեդեւը վստահ է, որ «ընտրյալների ակումբի» դռները Հայաստանի համար չեն բացվի
«Էական ուժեր են գործարկվել անդրկովկասյան հանրապետությունը եվրատլանտյան ճամբար ներքաշելու համար։ Իզուր չէ, որ նրա մայրաքաղաքում է գտնվում աշխարհում ամենամեծ ամերիկյան դեսպանատներից մեկը։ Մենք տեսնում ենք, թե ինչպես են ԱՄՆ-ի, ԵՄ-ի եւ ՆԱՏՕ-ի էմիսարները ավելի հաճախակի հյուրեր դառնում Հայաստանում՝ աջ ու ձախ առատաձեռն խոստումներ տալով։ Ոսկե սարերը, այդ թվում՝ անդամակցությունը ԵՄ-ում, խոստացվում են, բնականաբար, լիակատար հավատարմության դիմաց։ Բայց պատրանքների մեջ ընկնել պետք չէ. նման խոստումները պարզապես խայծ են նեոգաղութային թակարդում: Ոչ ոք մտադիր չէ բացել «ընտրյալների ակումբի» դռները հայ ժողովրդի համար: Թող նայեն Վրաստանին, որտեղ վերջերս ընդունվեց մի օրենք, որը դուր չեկավ ԱՄՆ-ին եւ ԵՄ-ին։ Եվ ի՞նչ՝ պատժամիջոցներ»,- գրել է Մեդվեդեւը «Ռոսիյսկայա գազետա»-ում հրապարակված «Մետրոպոլիաների ժամանակն անցել է» հոդվածում: