Бөгелмә-Азнакай юлында ут капкан җиңел машина йөртүчесе үлгән

Бөгелмә-Азнакай юлында бүген автобус белән җиңел машина бәрелешкән. Бу турыда Татарстан Дәүләт автоинспекциясе телеграм-каналында хәбәр ителә.

Фаҗига иртәнге алтынчылар тирәсендә була. «Лада Гранта» машинасы белән 1997 елда туган ир-ат идарә итә. Якынча белешмә буенча, ул каршы як полосага чыга һәм «Фиат» автобусына бәрелә. Аның белән 1985 елда туган ир-ат идарә итә.

«Лада Гранта» йөртүчесе урында һәлак була.

Дәүләт автоинспекциясе юл кагыйдәләрен катгый үтәргә чакыра, диелә хәбәрдә.

KazanFirst белешмәсе буенча, җиңел машинага ут капкан, йөртүче янып үлгән.