Чулпан Йосыпова: «Концертларны туктатып тордык»

«Ирек мәйданы» газетасы җырчы Чулпан Йосыпованың хәлләрен белешкән.

Концертларны әзрәк туктатып тордык. Күңел теләми. Дөньясы тыныч булмагангамы шунда, илһам юк. Вакытны күбрәк өйдә, гаиләм, балалар белән үткәрәм. Гомер булмаганны, бик күп орлык чәчтем, тәрәзә төбе саен үсенте. Әтиемә катлаулы операция булган иде. Шаккатарлык көчле кеше ул. Күз тимәсен. Нәрсә генә күрмәгән, Аллага шөкер, бирешми. Үзем дә аңа охшарга тырышам. Бирешмәскә, – дип сөйләгән җырчы газетага.