Ալիեւը վերանվանել է Ստեփանակերտի Վերածննդի հրապարակը
«Երկար տարիներ այս հրապարակն ու այս շենքը անջատողականների որջ են եղել։ Հենց այս հրապարակում ստոր ծրագրեր էին մշակվում մեր ժողովրդի դեմ։ Հենց այս շենքից էին տրվել Խոջալուի ցեղասպանությունը իրագործելու հրամաննները։ Եվ այսօր մենք կանգնած ենք այս հրապարակում։ Ես ուզում եմ իմ սիրելի ժողովրդին ասել, որ ես այս հրապարակն անվանել եմ «Հաղթանակի հրապարակ»,- ասել է Ալիեւը։
Նովրուզի տոնի առթիվ ժողովրդին ուղղված շնորհավորանքում Իլհամ Ալիեւն ասել է.
«Այսօր Ադրբեջանն աշխարհի այն հազվագյուտ երկրներից է, որի քաղաքականությունը բացարձակապես անկախ է»:
«Այն հիմնված է միայն եւ միայն ադրբեջանական ժողովրդի շահերի եւ կամքի վրա»,- ասել է նա։