Нянь верты хотат нётман тайӆайт
Туняӆ, Ӆорвош районан ӆапатсот пеӆа хутъяң кат тонна нянь верса. Мет мосты ӆэтот верты хотат эӆты, 98 процент бюджет ох нётапсайн эсаӆӆайт.
Районан яң нянь верты хот рупитаӆ. Ӆув эӆтэӆ нийӆ хот нётопса охан нётман тайӆайт. Щимащ нётапса антом ки, хувн уӆты ай куртатан нянь ӆутты тынаӆ шеңк тынаң ус ӆуӆан.
Нянь верты ӆат ӆутты па куртат унты туты порайн тынаӆ йи уна йиӆ. Касам-Нёӆ курта туты ӆат йи киӆа катсот пеӆа кат соӆкувая хойӆ, Васьёханова хутъяң пеӆа хут соӆкува. Нови тут, йиңк, хоят рупата иса охан сохаптаты мосаӆ. Кашң таӆ нянь 40 тонна ӆоват аршак верты мосаӆ. Ӆэтот такӆы муй щиран уӆӆа.
Щит ураңан, тамащ нётапса Ӆорвош районан уӆты нянь верты хотата шеңк мосаӆ. Кашң куртан нётапса охаӆ аршак. Муйкем Муши вош эӆты курт хувн уӆ, щикем ох нётапсайӆ арашак хойӆ.
Зоя Куртямова ханшам потар