Ильвира Хамматова: «Сынауларны бу көнгә килеп җитү өчен үтәргә кирәк булган...»

28 июль көнне җырчы Ильвира Хамматова белән сөйгәне Равилнең никах туе булган иде. Ильвира социаль челтәрдә искиткеч матур никах фотолары белән уртаклашты.

Бәхеткә урау юллар аша килүен ассызыклап, җырчы:

«Язмышлар языла күкләрдә. Бүгенге көнемә карап шуны гына әйтәсем килә, барлык авырлыклар, сынауларны бу көнгә килеп җитү өчен үтәргә кирәк булган икән.

Хәзер минем репертуарда мәхәббәт, гаилә, хатын-кыз бәхете хакында җырлар күбрәк булыр дип уйлыйм», – дип язган.

Яшьләрнең мәхәббәте гомерлек булсын! Бәхет телибез!