Қазақстанда жемқорлық қылмыс жасағаны үшін атағы мен лауазымына қарамастан лауазымды тұлғалар жауапкершілікке тартылады - А.Шпекбаев

АСТАНА. ҚазАқпарат - Осыдан екі күн бұрын Парламент Сенатының жалпы отырысында «Сыбайлас жемқорлыққа қарсы іс-қимыл туралы» ҚР Заңы қабылданды. Аталған құжат 2015-2025 жылдарға арналған Сыбайлас жемқорлыққа қарсы стратегияны, сондай-ақ Елбасы Нұрсұлтан Назарбаев айқындаған «100 нақты қадам» Ұлт жоспарының 13-ші қадамын жүзеге асыруға бағытталмақ. Осы ретте Мемлекеттік қызмет істері және сыбайлас жемқорлыққа қарсы іс-қимыл агенттігі төрағасының орынбасары Алик Шпекбаев таяу күндері ҚР Президенті қол қоятын Заңға қатысты пікір білдірді.