GPTZero․ գործիք, որը հայտնաբերում է ChatGPT-ի գեներացրած տեքստը

GPTZero-ն ծառայություն է, որը վերլուծում է ներբեռնված տեքստը եւ փորձում պարզել, թե արդյոք այն գրելու համար օգտագործվել է լեզվական խոշոր մոդելներից մեկը (LLM): Նման մոդելները ներառում են, օրինակ, ChatGPT-ի վրա հիմնված նեյրոնային ցանցը։ Ներկայացնում ենք, թե ինչ է GPTZero-ն եւ ինչպես է աշխատում։  

Համակարգը մշակել է Փրինսթոնի համալսարանի շրջանավարտ Էդվարդ Թյանը, որպեսզի օգնի մանկավարժներին ստուգել ուսանողների աշխատանքները գրագողության համար:

Ծառայությունն առայժմ կօգտագործվի միայն անգլերենով: Հնարավոր է՝ ապագայում այլ լեզուների աջակցություն նույնպես լինի։

Տեքստի ինքնատիպությունը որոշելու համար GPTZero-ն կենտրոնանում է երկու հիմնական չափանիշի վրա՝ կազմված նախադասությունների պատահականության մակարդակով (Perplexity) եւ այդ նախադասությունների փոփոխականությամբ (Burstiness):

Հարկ է նշել, որ այս պահին GPTZero-ն չի կարելի անվանել իդեալական գործիք տեքստերը ստուգելու համար։ Համակարգը միշտ չէ, որ տալիս է ճիշտ արդյունք։ Ալգորիթմը լավ աշխատանք է կատարում գեներացված նախադասությունների նույնականացման հարցում, սակայն անձի կողմից ամբողջությամբ գրված աշխատանքները հաճախ դասակարգվում են որպես գրագողություն:

Ամենայն հավանականությամբ, ապագայում ծառայությունը կբարելավվի, բայց առայժմ այն պետք է օգտագործվի միայն որպես այլ գործիքների եւ սեփական գիտելիքների հավելում:

Ինչպե՞ս օգտագործել GPTZero

Եթե անհրաժեշտ է արագ վերլուծել փոքր տեքստը, ապա գրանցումը պարտադիր չէ: Պարզապես այցելեք GPTZero կայք եւ ակտիվացրեք հնարավորությունը: Կանոնավոր օգտագործման եւ միաժամանակ մի քանի ֆայլ ստուգելու համար պետք է հաշիվ ստեղծել: Այն անվճար է:
[[gallery1]]
Նյութը կարող է տեղադրվել հատուկ տեքստային հատվածում կամ ներբեռնվել որպես փաստաթուղթ: Ընդունվում են PDF, DOCX եւ TXT ձեւաչափերը: Տեքստը պետք է լինի առնվազն 250 նիշ, որպեսզի ալգորիթմը կարողանա ամբողջությամբ վերլուծել։

Նախքան ստուգումն սկսելը, պետք է նշումով հաստատեք, որ համաձայն եք ծառայության օգտագործման պայմաններին: Ուշադիր եղեք. GPTZero-ում տեքստեր ավելացնելիս կամ փաստաթղթեր վերբեռնելիս մշակողը կամ սերվերի սեփականատերերը կարող են մուտք գործել ու պահել ձեր տեղեկություններն իրենց համար: Հետեւաբար, այս գործիքը գաղտնի տեղեկատվության հետ աշխատելու համար լավագույն տարբերակը չէ:
[[gallery2]]
Ծառայությունը տալիս է հնարավոր մի քանի տարբերակից մեկը՝ տեքստն ամբողջությամբ գրված է անձի կողմից, ամբողջությամբ ստեղծված է բոտի կողմից կամ կարող է պարունակել հատվածներ, որոնք կազմված են նեյրոնային ցանցի կողմից։
[[gallery3]]
Եթե GPTZero-ն գտնի առանձին կասկածելի կտորներ, դեղինով կառանձնացնի, որոնք կարող են նեյրոնային ցանցի միջոցով գեներացված լինել։

Վերջում GPTZero-ն ցուցադրում է նաեւ ինքնատիպության ամենաբարձր աստիճանով առաջարկն ու դրա անհատական գնահատականը: Այս արդյունքներով համակարգը նույնպես կարող է սխալ լինել: Հաճախ ալգորիթմն արտադրում է ստեղծված տեքստը եւ ոչ թե գրված անձի կողմից: Հետեւաբար, արժե զգուշությամբ վերաբերվել արդյունքներին: