«Берничә хәреф әйтәсем бар»: Илсөя Бәдретдинова үзен туйдырган хатынны эзли

Татарстанның атказанган артисты Илсөя Бәдретдинова «берничә хәреф» әйтер өчен Светлана исемле хатынны эзли.

«МТСтан Светлананы табарга ярдәм итегез әле. Ул миңа тәүлек дәвамында шалтырата. Берничә хәреф әйтәсем бар», - дип яза җырчы социаль челтәрдә.

Аның посты астында Айгөл Бариева: «Миңа да көн дә шалтырата бит ул», - дип язган.

«Табыйк... Сөйләшик... Әтидән өйрәнеп калган берничә җөмләм бар», - дип җавап язган Илсөя Бәдретдинова

«Тыкрыкка чакырыйк», - дигән тәкъдим килгән җанатарыннан.

«Ул шалтыраткач, татарча сөйләшегез», - дигән киңәш тә биргәннәр.

«Туйдырды ул Светлана, атнасына 7 тапкыр шалтырата», «Миңа да шул Светлана шалтырата, ул әйткәнне дә аңламый бит», - дип зарланучылар да бар.

Хәтерләсәгез, бер араны Илсөя Бәдретдинованың бик актив «комментаторы» Саимә апа бар иде. Аны искә алып, бер җанатары: «Номерын Саимә апага бирегез, ул җаен табар», - дип язган.