Արցախում քննարկվել է Բաքվում ԼՂՀ գերիների ճակատագիրը

Ինչպես տեղեկացնում է ԼՂՀ ԱԳՆ-ն, հանդիպման ժամանակ Կարեն Միրզոյանն ընդգծել է Ադրբեջանի կողմից գերության մեջ գտնվող ԼՂՀ քաղաքացիների նկատմամբ միջազգային մարդասիրական իրավունքի նորմերի շարունակական խախտումների անթույլատրելիությունը։

Հանդիպման ընթացքում քննարկվել են ԼՂՀ-ում ԿԽՄԿ կողմից իրականացվող ծրագրերին առնչվող հարցեր, մասնավորապես՝անհայտ կորածների ճակատագրերի բացահայտման ուղղությամբ տարվող աշխատանքները։

ԿԽՄԿ տարածաշրջանային ղեկավարին ընդունել է նաեւ ԼՂՀ պաշտպանության նախարար, Պաշտպանության բանակի հրամանատար Լեւոն Մնացականյանը:

Հանդիպմանը Պատրիկ Վիալին ներկայացրել է Լեռնային Ղարաբաղում ԿԽՄԿ առաքելության նորանշանակ ղեկավար Դրագոսլավ Բլաժեւիչին: