Հայտնի են հրաձգության ֆեդերացիայի նախագահի գավաթի հաղթողները

Օդամղիչ հրացան  10 մ ձեւում հավասարը չեն ունեցել Հայկ Բաբայանն (60 կրակոց)  ու Սուսաննա Հովհաննիսյանը (40 կրակոց):

Օդամղիչ ատրճանակում լավագույնն են եղել Սեւակ Արշակյանն ու Էլմիրա Կարապետյանը: Վազող թիրախում՝  Ալեքսանդր Անդրեասյանն ու Լիլիթ Մկրտչյանը (նորմալ վազք): Խառը վազքում Մկրտչյանը կրկին 1-ին տեղն է զաղեցրել, իսկ տղաների պայքարում լավագույնն է եղել Շանթ Սարգսյանը: Օդամղիչ հրացանում էլ հաղթող է դարձել Հրաչիկ Բաբայանը:

Մրցաշարին ներկա է եղել նաեւ սպորտի եւ երիտասարդության հարցերի նախարար Գաբրիել Ղազարյանը: «Վստահ եմ, որ հայ հրաձիգները մեզ հպարտանալու դեռ շատ առիթներ են տալու: Իսկ նմանատիպ մրցաշարերը կնպաստեն նրանց փորձառության ավելացմանը»,- ասել է նախարարը: