Заводра курмалли, пĕлмелли нумай

Чӳк уйăхĕн 25-мĕшĕнче Чăваш Енре туризм форумĕ уçăлать. Унта патшалăх предприятийĕсем, услам тăвассипе ĕçлемен пĕрлешӳсем, çĕршыв тата регион шайĕнче тимлекен туризм операторĕсем хутшăнма палăртнă. Çавăн пекех регионти экспертсем çак пысăк пулăмран айккинче юласшăн мар. 8 кун пыракан форумра 9 стратеги сессийĕ, ăсталăх класĕсем, пленарлă лару ирттересшĕн. Тĕрлĕ халăхăн промышленноç тата ял туризмĕпе çыхăннă проектсене сӳтсе явасшăн. Çак форумпа килĕшӳллĕн эрнекун Раççейри тĕрлĕ регионтан килнĕ ачасем Шупашкарти трактор тăвакансен заводĕнче пулчĕç. Трактор-шоу, хурçă ута мĕнле пухни — курмалли, пĕлмелли нумай пулчĕ пĕрлешӳре.