Кәбестәне язга кадәр ничек сакларга?

Кәбестәне язга кадәр саклау ысулы «Челнинские известия» сайтында чыкты. 

Кәбестәне сортларга аерыгыз. Өлгергән, тыгыз, ватылмаган, авырулары булмаган кәбестәләр генә кыш буе сакланачак.

Кәбестәне коры көнне алыгыз. Күчәнен 3 см озынлыкта калдырып кисегез. Каплап тора торган яфракларын алып атмагыз. 

Ак кәбестә – иң яхшы саклана торган сорт. Аны базда -1 дән +2 градуска кадәр температурада саклагыз. Дымлылык 85-95 процент булырга тиеш.

Аена бер тапкыр, бозыла башлаган кәбестәләрне аралап торыгыз. 

Кәбестәне елга комы салынган тартмада саклыйлар. Кәбестә күчәнен шул комга утыртып куегыз. Арасында бушлык калдырыгыз.

Төсле кәбестә һәм брокколи 2 ай чамасы гына саклана. Аларны суыткычта тоту хәерле. Азык-төлек пленкасына төреп, туңдыргычта да тотарга була.

Пекин кәбестәсен 3 айга кадәр саклап була. Дымлылык 85 процент, температура 0-2 градус булырга тиеш, диелә хәбәрдә.