Гашыйк ир-ат сөйгәненең дус кызын тереләй яндырып үтергән

Мәскәү өлкәсендә яшәүче ир-ат сөйгәненең дус хатынын тереләй яндырып үтергән. Бу турыда «Вести» каналы хәбәр итте.

Балашихада ике катлы йортта янгын вакытында 1 кеше һәлак була, 2 кеше имгәнә. Фатир хуҗабикәсе янына мөнәсәбәтләр аңлашырга дип килгән чакырылмаган кунак фаҗига китереп чыгара. Бу турыда өлкә буенча Тикшерү идарәсе хәбәр иткән.

14 октябрьгә каршы төндә фатирга 48 яшьлек ир-ат килә. Бу вакытта өйдә фатир хуҗабикәсе, аның дус хатыны һәм аның белән килгән тагын бер ир-ат була.

Чакырылмаган кунак хуҗабикәне яратып йөргән. Фаҗига булган кичтә ул сөйгәне белән берничә сүз алыша да янучан сыеклык сибә һәм зажигалка яндырып ут төртә.

Фатирда янгын чыга, чардакка да күчә. Фатир хуҗабикәсе һәм аның дус хатыны белән килгән ир-ат тәрәзәдән сикереп чыгарга өлгерә, ә кунак хатын исә тереләй янып үлә.

Янгынны иртәнге якта сүндереп бетерәләр. Берничә сәгать узгач, үтерүдә шикләнелүче ир-атны да тоткарлыйлар, диелә хәбәрдә.