«Ֆինքա»-ն անակնկալ է մատուցել «Ալավերդի» մասնաճյուղի իր հաճախորդներին
«Ֆինքա» ունիվերսալ վարկային կազմակերպությունը հոկտեմբերի 12-ին անակնկալ միջոցառում էր կազմակերպել «Ալավերդի» մասնաճյուղի իր հավատարիմ հաճախորդների համար:
Կազմակերպության տարածած հաղորդագրության համաձայն՝ միջոցառման ընթացքում հրավիրված բոլոր հաճախորդներին տրվել են անվանական շնորհակալական հավաստագրեր եւ փոշեկուլներ:
«Ֆինքա»-ում նշել են, որ հավատարիմ հաճախորդներին ընտրելիս հաշվի են առնվել մի շարք չափանիշներ, այդ թվում՝ հաճախորդի երկարատեւ համագործակցությունը (5 եւ ավելի տարի) «Ֆինքա»-ի հետ, պարտաճանաչ մարումները, անընդմեջ վարկավորումը եւ այլն: Արդյունքում ընտրվել էին 17 հաճախորդներ ինչպես Ալավերդիից, այնպես էլ Ալավերդիին հարակից գյուղերից:
«Միջոցառման նպատակն էր շնորհակալություն հայտնել հաճախորդներին իրենց նվիրվածության եւ հավատարմության համար` էլ ավելի ամրապնդելով «Ֆինքա»-հաճախորդ համագործակցությունը»,- ասված է հաղորդագրությունում: