Шкул туризмĕ

Республикăри шкул ачисем Чăваш Енĕн паллă та илемлĕ вырăнĕсемпе паллашаççĕ. Шкул туризмне аталантармалли проектпа килĕшӳллĕн ачасен пĕрремĕш ушкăнĕ çулçӳреве тухнă.

Авăн уйăхĕн 19-20-мĕшĕсенче вĕсем Канаш районĕнчи Мăкри ялĕнчи кĕпер патне кайса курĕç, Улатăр хулин илемĕпе киленĕç, Шупашкарти трактор историйĕн тата наци музейĕсемпе паллашĕç, ытти çĕрте пулса курĕç. Ачасемшĕн çулçӳрев тÿлевсĕрех пулĕ. Шкул туризмне аталантармалли программа «Туризм тата тараватлăх индустрийĕ» наци проекчĕпе пурнăçланать. Унта 5-9 классенче вĕренекен 3 000 ытла ача хутшăнать. Вĕсене Чăваш Республикин социаллă порталĕнче заявка хăварнă хыççăн олимпиадăсемпе тĕрлĕ конкурссенче çĕнтернине, спорт тата патриотизм енĕпе хастар пулнине шута илсе суйласа илнĕ